На ден 9 мај (петок), традиционално, но и јубилејно – по петти пат, во Општина Крива Паланка се реализира големата еколошка акција насловена „Генералка Викенд“.
Нашето училиште активно се вклучи во оваа иницијатива, со цел заеднички да придонесеме за почиста и поздрава животна средина.
ЦЕЛ НА АКЦИЈАТА:
Со личен пример и општествена одговорност да покажеме:Колку ни е важна природната средина и околината во која живееме.
Колку ја цениме работната средина во која учиме и работиме.
Дека отпадот треба да се селектира и да се остава на места предвидени за негово одлагање.
Наша порака:
Даваме личен пример и ја потврдуваме нашата еколошка и граѓанска свест.
Потсетуваме дека отпадот не ѝ припаѓа на природата, туку на соодветните контејнери.
Покажуваме дека грижата за заедницата започнува од нас!
