На 29 септември 2025 година во Скопје се одржа обука на тема „Наставата по музичко образование и учениците со аутизам“, во организација на здружението „Сина светулка“.
Главен фокус на обуката беше иновативната музичка платформа AutisMUSIC, наменета за поддршка на децата со аутизам, во која учествуваше и нашето училиште.
Преку пристапот „учење насочено кон детето“, музичките активности како пеење, ритам, свирење на различни инструменти, танц и комуникациски вежби овозможуваат секое дете активно да учествува и да ги развива своите емоции, мотивација и социјални вештини.
AutisMUSIC ја поддржува инклузијата и овозможува наставниците да користат иновативни стратегии за подобрување на процесот на учење кај децата со доцнење и пречки во развојот.
Одговорен наставник: Лариса Жулина-Митовски
Повеќе информации за проектот AutisMUSIC може да најдете овде: https://autismusic.eu/
