Вчера, во училишната библиотека, беа доделени сертификатите за успешно учество во кампањата „Читаме гласно – говориме јасно“, како потврда за вклученоста и придонесот во овој значаен проект. 📜
Кампањата беше организирана од Библиотеката „Кочо Рацин“ при Националната установа Центар за култура – Крива Паланка и реализирана под раководство на наставник-ментор Лариса Жулина-Митовски од ООУ „Свети Јоаким Крчовски“ – Крива Паланка, и Ирена Белешковска, филолог, новинар и поет.
Читањето е основа за успех! 📖 Читањето на глас игра важна улога во превенцијата од тешкотии при читање и дислексија. Во време на модерни технологии и запоставеност на печатените книги, оваа кампања стави акцент на важноста на книгата како извор на знаење и возбудливи искуства за младите.
Преку редовно читање, децата ги збогатуваат своите речници и го зголемуваат фондот на своите знаења. Дополнително, кога родителите читаат на глас, тие стануваат пример за своите деца и им ја пренесуваат љубовта кон книгата. 📚
Честитки на сите учесници! Вашата посветеност ја направи оваа кампања успешна и значајна за нашата заедница.
