На 19 мај 2025 година, учениците од нашето училиште учествуваа на настанот „Мобилен парламентарен караван“, организиран од страна на Собранието на Република Северна Македонија. Настанот се одржа пред општинската зграда во Крива Паланка и овозможи директна комуникација со пратеници, отворен дијалог и размена на мислења за актуелни општествени прашања.
Преку активно учество во дискусиите и едукативните активности, учениците имаа можност да го зајакнат своето разбирање за парламентарната демократија и значењето на граѓанското учество. Овој настан претставуваше значајно искуство за нивниот личен и образовен развој, поттикнувајќи ги кон активно учество во општеството.
