Оваа учебна година, во договор со нашето Партнер училиште ООУ „Јероним Де Рада“ од с. Черкези – Куманово“, постапувајки според насоките за аплицирање за Грант, нашето Училиште ООУ „Свети Јоаким Крчовски“ на 29.11.2024 година поднесе заедничка Апликација за грант за оваа учебна година Апликацијата беше успешна и го добивме Грантот за реализирање на заедничките активности со Партнер – училиштето ООУ „Јероним Де Рада“ од с. Черкези – Куманово“.

Во апликацијата се предвидени 4 заеднички активности и тоа: 1. Работилница: „Го учиме јазикот на другата етничка заедница“ – преку употреба на англискиот јазик, со цел учениците да се запознаат меѓу себе и да се постигне интеракција и градење на дух на сорабдругата етничка заедница. 2. Работилница: ,,Во игрите сите сме еднакви“. Преку активноста се очекува да се постигне интеракција и градење на дух на соработка во мешани групи на ученици, да се постигне дружење и запознавање преку игра. И покрај компетитивниот карактер на игрите, активноста ќе има посебен фокус на соработка и градење на тимски дух во рамките на екипите. 3. Работилница: ,,Пријателството – фактор за развој на мултикултурализмот“. Активноста ќе придонесе учениците да се запознаат преку заедничка изработка на разни видови творби: ликовни, литературни и сл. Со тоа ќе се овозможи интеракција и градење на дух на соработка во мешани групи на ученици, да се постигне дружење и запознавање преку игра, развивање на вештини за групна работа, разгледување решенија и донесување групни одлуки, критичко размислување и развивање на креативноста кај учениците. 4. Работилница: „Ја учиме и споделуваме традицијата“.Активноста ќе придонесе за развивање на вештини за групна работа, разгледување решенија и донесување групни одлуки, критичко размислување и развивање на креативноста кај учениците. Заеднички ќе можат да дојдат до нови сознанија и ќе се постигне интеракција и градење дух на соработка во мешани групи. Активностите беа реализирани на 17.11.2025 година во ООУ,,Јероним Де Рада”-с.Черкези-Куманово. со мешана група на ученици од 1. до 9. одделение. Исто така учествуваа и наставници и родители кои помагаа во реализирањето на активностите.

Очекуваме да имаме ефекти во однос на тоа што планираните

активностите ќе влијаат кон подобрување на вештините на учениците да работат заедно и да донесуваат заеднички одлуки во мешана група. Исто така ќе има и подобрена интерперсонална комуникација и соработка меѓу учениците.

Имавме успешна реализација на сите планирани активности, а со тоа ја постигнавме нашата заедничка цел да живееме во едно итегрирано мултиетничко општество каде ќе царува мирот, толеранцијата и искреното почитување на другите.