На 22.05.2026 година се одржа Свечената академија по повод Денот на просветителите „Свети Јоаким Крчовски“ и „Свети Кирил и Методиј“.
Во свечена и достоинствена атмосфера беа истакнати вредностите на просветителството, духовноста и македонската културна традиција, како темели на образованието и општествениот развој. Настанот беше исполнет со почит кон делото и значењето на просветителите, чија мисија и денес претставува инспирација за сите генерации.
Во рамките на академијата, градоначалникот на Општина Крива Паланка, г. Сашко Митовски, им додели награди и признанија на најуспешните просветни работници и ученици за нивната посветеност, труд и постигнати резултати.
Наградата за најуспешен просветен работник во одделенска настава ѝ беше доделена на Даниела Ѓорѓиовска — наставничка која со својата посветеност, љубов и професионалност остава силен белег во воспитно-образовниот процес.
За најуспешен просветен работник во предметна настава беше прогласен Ненко Ивановски, наставник по математика, кој е препознатлив по својата стручност, посветеност и искрен однос кон учениците.
За Првенец на генерацијата беше наградена Ива Стојановска од IX-5 одделение, за постигнатите успеси, знаења и достојно претставување на училиштето.
Свечената академија уште еднаш ја потврди важноста на образованието, знаењето и вложувањето во младите генерации како двигатели на иднината.
