ООУ„Свети Јоаким Крчовски“ –Крива Паланка
Врз основа на член 75 од Законот за основно образование и Правилникот за пофалби и награди, номинирање и избор на првенец на генерација на учениците во ООУ„Свети Јоаким Крчовски“-Крива Паланка, Комисијата за избор на ученици првенци на генерација за учебната 2023/2024 година при ООУ„Свети Јоаким Крчовски“-Крива Паланка распишува:
КОНКУРС
За избор на ученици првенци на генерација за деветто одделение
Право на учество имаат сите ученици од деветто одделение при ООУ„Свети Јоаким Крчовски“-Крива Паланка кои ги исполнуваат следниве услови:
-Кандидатот да има постигнато континуиран одличен успех 5,00 на крај на наставната година од IV-VIII одделение;
-Да не бил казнуван со педагошка мерка од било кој вид во текот на школувањето во училиштето;
-Да учествувал на училишни, општински, регионални, државни и меѓународни натпревари;
-Во текот на школувањето во училиштето учествувал во воннаставни активности, афирмација на училиштето како и учество во проекти за унапредување на училиштето;
-Ученикот да претставува пример за другите ученици во училиштето.
Учениците кои што ги исполнуваат горенаведените услови да се обратат кај своите одделенски раководители за дополнителни информации и помош при подготовка на документите.
Потребните документи учениците да ги достават во плик во училиштето со назнака до Комисија за избор на ученици првенци на генерација, секој работен ден од 07:00 до 15:00 часот најдоцна до четврток 09.05.2023 г. до 15:00 часот.
Комисијата ќе ги разгледа сите доставени документи, ќе се повика на критериумите за избор согласно Правилникот за пофалби и награди на учениците во ООУ„Свети Јоаким Крчовски“-Крива Паланка. Училиштето според Законот за основно образование член 75 ќе им издаде диплома за превенец на генерација на тројца ученици од деветто одделение од кои ученикот со најмногу поени ќе биде предложен до Општина Крива Паланка за прогласување на најдобар ученик на ниво на Општина Крива Паланка.
В.Д. Директор,
Анета Стојковска
Комисија за избор на ученик-првенец
на генерација и пофалени ученици
Датум,
17.04.2023 г.
