Најмладите франкофони од ООУ “Јоаким Крчовски” – Крива Паланка, под менторство на проф.Елена Николовска, учествуваа на регионалниот односно државниот натпревар по француски јазик за шесто одделение (фото-презентација). Во рамките на овие натпревари, учениците имаа за задача да создадат своја приказна преку лични фотографии и краток текст на француски јазик на тема “Le temps est le meilleur batisseur de l’amitié“ ( “Времето е најдобар градител на пријателството” ) во power point презентација при тоа истакнувајќи
ја нивната креативност.
На регионалниот натпревар најуспешни беа токму нашите ученици и тоа: 1 (прво) место – Симеон Ристовски 6-5 одд,
2 (второ) место – Ива Стојановска 6-5 одд,
3 (трето) место – Матеа Јовановска 6-5 одд,
5 (петто) место – Ангела Дејановска ПОУ с.Жидилово.
Учениците од нашето училиште беа меѓу најуспешните и на државниот натпревар и тоа:
2 (второ) место – Симеон Ристовски 6-5 одд,
3 (трето) место – Ива Стојановска 6-5 одд,
4 (четврто) место – Матеа Јовановска 6-5 одд
Учениците Симеон Ристовски и Ива Стојановска како најуспешни ученици на државниот натпревар за шесто одделение заедно со нивниот ментор, професор Елена Николовска, присуствуваа на свеченото доделување на наградите од сите државни натпревари по француски јазик на 22 април 2023 година во хотел Холидеј Ин во Скопје односно добија медали и престој на еднонеделниот летен франкофонски камп кој ќе се одржи во јуни 2023 година во Михајлово во организација на фондацијата Бел идеал од Франција.
Честитки на сите ученици за постигнатите успеси!!!
