Со доделување на наградите и дипломите на првонаградените ученици од конкурсот „По вашите стапки чекориме” во Европската куќа Крива Паланка беше одбележан Денот на сесловенските просветители, светите браќа Кирил и Методиј.
Конкурсот во организација на библиотеката „Кочо Рацин” на Националната установа Центар за култура Крива Паланка, се одржа во соработка со Сојузот на просветни работници на Северна Македонија, а на истиот пристигнале околу 80-тина творби од основните училишта ширум земјава.
Иницијатори и координатори на Манифестацијата се наставник-ментор Лариса Жулина-Митовски, од ООУ „Јоаким Крчовски“-Крива Паланка и Ирена Белешковска, филолог и поет од литературениот клуб „Калин“. За избор на најдобрите творби на конкурсот одлучуваше жири комисијата во состав: проф.Лиле Стојановска, проф.Габриела Стојановска и проф.Јулијана Стоименова.
Во првата категорија ученичката од 4 одделение Софија Младеновска го освои 3-место. Ментор: Марина Ристовска.
Во втората категорија ученикот од 7 одделение Александар Сандевски го освои 2-место. Ментор: Ленче Дејановска.
На наградените ученици им беа доделени дипломи и пригодни подароци
Им честитаме на учениците и менторите и им посакуваме секогаш да редат само успеси!
