На ден 17.03.2023 година во организација на библиотеката Кочо Рацин од Крива Паланка што работи во рамки на Националната установа „Центар за култура Крива Паланка“ се одржа 11-от општински натпревар за млади библиотекари на кој учествуваа осуммина основци.
Сите учесници покажаа солидни резултати, а првото место го освои Лејла Милковска од 9-то одделение. Победникот се пласира на Републичкиот натпревар за млади библиотекари што годинава ќе се одржи на 11-ти мај во Кочани. На сите учесници беа врачени благодарници, како и на нивниот ментор Вера Анастасовска, библиотекар и долгогодишен соработник на НУ Центар за култура Крива Паланка.
