За крај на учебната година, професорите по француски јазик заедно со нивните ученици, во период од 25 до 27 мај, во неколку градови низ државата, ви предлагаат француски филмски викенд проекции на три филма за млади, дел од колекцијата на Францускиот институт во Скопје. Во Крива Паланка, на иницијатива на проф.Елена Николовска, ќе бидат прикажани два филма и тоа : – На 25.05.2023 година (четврток) во НУ Центар за култура – Крива Паланка со почеток во 19 часот : Damien veut changer le monde (Дамиен сака да го менува светот), – На 26.05.2023 година (петок) во Europe House Kriva Palanka со почеток во 19 часот: Les choses qu’on dit, les choses qu’on fait (Што велиме, што правиме). Голема благодарност до Француската амбасада во Скопје, Францускиот институт- Скопје, НУ Центар за култура Крива Паланка, Europe House Kriva Palanka, ООУ “Св.Јоаким Крчовски” – Крива Паланка и СОУ “Ѓорче Петров” – Крива Паланка за соработката и организацијата на овој филмски викенд.
