Во периодот од 26 јуни до 2 јули 2024 година во Охрид се одржа летен франкофонски камп во организација на фондацијата Бел Идеал од Париз, Франција за најдобрите франкофони на дел од државните натпревари по француски јазик и националната франкофонска вечер. На кампот учествуваа дваесет ученици од девет македонски градови : Крива Паланка, Скопје, Делчево, Пехчево, Неготино, Струмица, Битола, Берово и Свети Николе. Меѓу најдобрите се и учениците Анабела Стојанова од ПОУ с.Дурачка Река и Лана Велковска од 7-5 одд од централното училиште под менторство на проф.Елена Николовска која ги придружуваше на кампот. Учениците ги усовршуваа своите јазични вештини по француски јазик преку разновидни работилници: скеч, креативно пишување, поентилизам, цртање на маици и франкофонска музика, се забавуваа преку друштвените игри во слободното време, уживаа во прошетките низ Охрид , пловење со брод, се натпреваруваа во пливање, ги претставуваа нивните градови и многу други активности.
