Како секоја година така и оваа, повторно беше испишана новогодишна бајка во нашето училиште ООУ “Свети Јоаким Крчовски”,Крива Паланка.
Новогодишната изложбена работилница се состоеше од катче за ракотворење на новогодишни честитки и украси, каде ученици од шесто, седмо и деветто одделение ги оживуваа своите идеи, изложбено катче, каде учениците од трето, четврто и шесто одделение ги изложија своите ракотворби кои во изминатите два месеци со љубов ги твореа и катче за фотографирање, каде учениците посетители имаа можност да се сликаат со, во човечка големина изработени макети од Дедо Мраз, Снешко, Новогодишни колачиња, а најголемо внимание, радост и детска насмевка предизвика куќата на Дедо Мраз, од каде што тој ги поздрави со симболично подароче и новогодишни честитки со најубави желби за среќни и весели новогодишни и божиќни празници. Со сите овие активности, учениците создадоа магична атмосфера и новогодишна земја на чудата што ги плени срцата на сите што ги посетија.
Работилницата се реализираше на отворено пред училишниот двор, и освен тоа што беше посетена од сите ученици од нашето училиште, едновремено беше отворена и за сите љубители на добрата забава и предновогодишниот дух.
Новогодишната изложбена работилница беше организирана од страна на наставничките Биљана Пешовска и Христина Илиевска, а поддржана од наставниците, стручната служба и директорот на училиштето г-дин Дане Петровски. Посебна благодарност до наставничките Георгина Велковска, Јагода Ангеловска, Снежана Ивановска, Александра Стојановска, Лазо Ѓоргиевски и Слаѓана Здравковска, кои со своите ученици зедоа дитектно учество во работилницата и дадоа свој придонес за уште поголема сереќа и радост кај дечињата.
Дел од предновогодишниот амбиент доживеан на оваа работилница може да се проследи на следниов линк
https://drive.google.com/drive/folders/1HUCPjapWRqqJDgbHUuVEAbobhPVlupDD?usp=sharing
